Tröllaskagaskíðaparadís eftir páska

Skíðafantar Fjallaskólans á Tröllaskaga

Tröllaskagi er mekka fjallaskíðamennsku. Dagana 20.-23. apríl stefnir fríður flokkur Skíðafanta norður á Dalvík þar sem þeir munu hafa aðsetur í uppábúnum rúmum í Jónínubúð! 

Í stuttu máli:

  • Tveir heilir skíðadagar og tveir hálfir!
  • Fullt fæði og húsnæði (Hulda og Dinna sjá um pottana!)
  • Apré ski og heitur pottur 
  • Eftir dræman skíðavetur norðan heiða eru vonir um snjó á Tröllaskaga að glæðast með talsverði snjókomu í kortunum yfir Páskahelgina.
  • Hugsanlega mögulega sameinumst við í … langferðabíl … ekki rútu! (ath. smá auka kostnaður)

Drög að ferðaáætlun:

Fimmtudagur 20. apríl – Sumardagurinn frysti!

  • Kl. 9.00 – Brottför frá R.vík e.t.v. í langferðabifreið (sjá neðar)!
  • Stutt skíðaleið á leiðinni norður t.d. af Öxnadalsheiði  
  • Kl. 19.00 – Matur drykkur og pottur í Jónínubúð á Dalvík

Föstudagur 21 apríl – tímar til viðmiðunar… en fara eftir veðri

  • Kl. 7.30 – Morguverður 
  • Kl. 8.30 – Brottför í fjöllin. Skinnum upp og skíðum niður … e.t.v. tvisvar eða eins og form og aðstæður leyfa.
  • Kl. 17.00 – Fantar koma í Jónínubúð … apré ski á barnum eða í pottinum … sjúddírallirey!

Laugardagur 22. apríl – 

  • Kl. 7.30 – Morgunverður
  • Kl. 8.30 – Brottför í fjöllin. Skinnum upp og skíðum niður … þetta er ekki flókið.
  • Kl. 17.00 – Fantar koma í Jónínúbúð … apré ski á barnum, pottur 
  • Kl. 20.00 – Síðasta kvöldmáltíðin og áframhaldandi sögustund
  • Kl. hver veit hvað ? 

Sunnudagur 23. apríl – skíði og heimferð

  • Kl. 9.00 – Morgunverður, frágangur og heimferð 
  • Tökum stutta bunu á leið til borgarinnar til að mýkja okkur aðeins 
  • Kl. 18.00 – Áætluð koma til borgarinnar

Aðstæður nú og veðurspáin næstu daga 

Tröllaskagi hefur verið frekar snjóléttur en um páskahelgina gæti orðið breyting á ef spár ganga eftir.

Frá og með fimmtudeginum 20. og fram á laugardaginn 22. apríl lítur út fyrir dægilega gott veður hjá yr.no sem horfa lengst fram í tíman og gera má því skóna að ákoma um páskahelgina verði áfram á sínum stað, sem eru góðar fréttir.

Verð og skráning:

59.900 kr. Fullt verð fyrir Skíðafanta 

66.900 kr. – Fullt verð fyrir utanaðkomandi … fanta

Innifalið í verði: Skíðaleiðsögn í fjöllunum, gisting og fullt fæði í Jónínubúð

Skráning fer fram hér – Greiðsla staðfestir skráningu.
Vinsamlega skráið ykkur fyrir klukkan 12 á sunnudag.

Akstur norður … smá pæling!:

Ef skráning verður góð – þ.e. tíu eða fleiri fantar – kemur vel til greina að leigja bíl.
Áætlað verð er um 16.000 kr. á mann sem myndi bætast við. 
Í skráningarskjalinu vil ég biðja ykkur að skrá hvort það kæmi til greina að ykkar mat. 

Útbúnaðarlisti:

Skíðaútbúnaður fyrir dagsferðir í fjöllin:

  • Skíðafatnaður þ.m.t. húfa/hjálmur, hanskar/vettlingar
  • Snjóflóðaýlir með nýjum batteríum (a.m.k. 60 % eftir af rafhlöðum)
  • Snjóflóðastöng (hægt að leigja / merkja við í skráningarskjalinu)
  • Skófla (hægt að leigja / merkja við í skráningarskjalinu)
  • Sólgleraugu og skíðagleraugu 
  • Sólarvörn
  • Skíði með fjallaskíðabindingum
  • Skinn (sniðin á skíðin)
  • Fjallaskíðaskór
  • Stafir 
  • Skiða”strapp” (-ól)
  • Bakpoki sem rúmar aukafatnað og hægt er að festa skíðin á

Annar útbúnaður:

  • Inniskór, tannbursti og …
  • Þægilegri klæðnaður fyrir kvöldið

Skráning í ferð Skíðafanta á Tröllaskaga 20.-23. apríl 
Vinsamlega skráið ykkur fyrir klukkan 12 á sunnudag.

Hlökkum til að sjá ykkur
Jón Gauti og Helgi Geirharðs