Tröllakirkja 1001 m

Tröllakirkja 21. apríl ’18 – Allt er þegar þrennt er … 
Tröllakirkja 1001 m vestan Holtavörðuheiðar stendur á sýslumörkum Mýra-, Dala- og Strandasýslu enda ku víðsýni mikið af tindi hennar, í björtu 😉 Þrátt fyrir nafnið var fjallið um aldir áður samastaður trölla sem þar ku hafa lagt á ráðin þegar mannkyni fór að fjölga hér upp úr landnámi. Steinin tók svo úr um siðaskiptin þegar kirkja var byggð á Stað í Hrútafirði og firrtist tröllskessa þá svo að hún grýtti stóreflis bjargi í átt að kirkjunni. Ekki dróg hún alla leið en bjargið lenti í hestarétt og drap þar fjögur hross … og hana nú. Við ætlum sumsé að leita tröllaspora sem mynduðust við átökin … uppi á efsta tindi. Sagan segir reyndar að tröllin hafi flúið norður Strandir … skoðum það í sumar!
Að göngu lokinni er svo verið að leggja á ráðin um sameiginlegan kvöldverð á veitingahúsi í Borgarfirði … meira um það síðar!


Ferðaáætlun 21. apríl ’18:
Kl. 08.00 – Brottför frá N1-Ártúni á langferðabifreið.
Kl. 10.15-17.30 – Fjallgangan (u.þ.b. 14 km – 700 m hækkun => 7 klst.)
18.00 – Hraunsnef … súpa og Hraunsnefsborgari á tilboði fyrir Útiverur 😉
21.00 – Áætluð koma til borgarinnar 


Verð og skráning:

Fullt verð 7.900 kr. – greiða með korti
Verð fyrir Útiverur með gilda skráningu 6.400 kr. – greiða með korti

Einnig hægt að greiða með millifærslu:
R.nr. 0133-26-10253. kt.: 461014-1000

Skráning fer fram hér


Útbúnaður:

  • Hlýr og skjólgóður fatnaður þ.m.t. vettlingar og húfa
  • Hlýjir og góðir skór 
  • Auka úlpa (dúnn / fíber) fyrir stoppin og toppinn
  • Skíðagleraugu
  • Legghlífar (fer eftir snjóalögum)
  • Auka húfa/buff og auka léttir vettlingar  
  • Heitt á brúsa og gott nesti fyrir langan dag
  • Broddar (hægt að leigja)
  • Ísöxi (hægt að leigja)
  • Bakpoki fyrir auka dót

Annað: Gott að hafa auka tösku með þurrum fötum í bílnum til að skipta eftir ferðina … ef út í það fer.


Akstur:

Langferðarbifreið!

Matur á heimleiðinni … 

Eigum pantað á Hraunsnefi um kl. 18

Skráning hér