SKARÐSHEIÐI ENDILÖNG 20. MARS

Í Stuttu máli:

Sex fyrir einn! Stórkostleg tindaröð Skarðsheiðar hefur löngum freistað Útivera.
Gangan er krefjandi og löng en umhverfið svo magnað að slíkt gleymist 😉
Á milli tindana sex er jafnan um 50-120 metra lækkun og svo sambærileg hækkun upp á næsta tind sem í heild eru a.m.k. sex talsins.

Staðreyndir málsins:

  • Vegalengd: 18km
  • Hækkun: 1400 m
  • Mesta hæð: 1053 m

Ferðin er löng og erfið en margt bendir til að færð og aðstæður almennt verði góðar.

Verð:

  • 7.900 kr. (m/vsk) fyrir Útiverur Fjallaskólans
  • 9.900 kr.(m/vsk) fyrir utanaðkomandi

Skráning í ferðina:

Fer fram hér. Mikilvægt er að allir sem ætla í ferðina skrái sig hér fyrir hádegi föstudaginn 18. mars og greiði staðfestingargjöld með því að leggja inn á reikning Fjallaskólans (Lágfóta ehf).

Skráning telst aðeins gild þegar greitt hefur verið að fullu fyrir ferðina.

  • Reikningsnúmer: 0133 – 26 – 010253
  • Kennitala: 461014-1000
  • Vinsamlega setjið nafn ykkar/þátttakanda í skýringartexta.

Ferðaáætlun:

  • Kl. 06.30 – Brottför frá N1 (Bílar skildir eftir á Draghálsi og ekið að Efra Skarði)
  • Kl. 08.00 – 19.00 – Gangan 11 klst.
  • Kl. 20.30 – Koma til borgarinnar

Gengið frá Efra-Skarði til austurs að Draghálsi þar sem bílarnir híma.

Veðurspá og aðstæður:

Veðurspá gerir ráð fyrir hægum suðvestlægum áttum og mildu veðri. Reyndar má gera ráð fyrir frosti á laugardag og því þokkalegu færi á fjallinu á sunnudaginn.
Ég mun fylgjast vel með veðurspá fram að brottför og tilkynna um breytingar á plönum ef ástæða er til.

Nauðsynleg reynsla þátttakenda:

Hér er um erfiða ferð að ræða og því mikilvægt að þátttakendur hafi reynslu af lengri göngum og góðan útbúnað. Einnig er algerlega nauðsynlegt að viðkomandi hafi farið á dagsnámskeið í vetrarfjallamennsku þar sem kennd eru undirstöðuatriði í notkun brodda og ísaxar.

Nauðsynlegur útbúnaður þátttakenda:

  • Góðir gönguskór með grófum sóla
  • Hlýr og vindheldur fatnaður þ.m.t. húfa og vettlingar (og til vara)
  • Hlý úlpa/peysa til að bregða yfir sig í stoppum
  • Ísöxi – hægt að leigja við skráningu
  • Broddar – hægt að leigja við skráningu (ath. ekki keðjur eða keðjubroddar!)
  • Gott nesti og heitt á brúsa
  • Skíðagleraugu
  • Vindheldir utanyfirvettlinga

Að auki getur verið gott að hafa:

  • Legghlífar

Sameinum Útiverur í bíla:

Kl. 06.30 – Brottför frá N1 – Ártúni – þar sem við sameinumst í bíla.
Tæplega 90 km akstur => 2400 kr. sem farþegar deila á milli sín.

Um leiðina:

Til að hafa vindinn í bakið er líklegt að við hefjum gönguna frá Efra-Skarði og göngum til austurs að Draghálsi. Við byrjum á Skarðshyrnu og höldum þaðan á Heiðarhorn sem er hæsti hluti leiðarinnar. Þaðan höldum við á hvern tindinn á eftir öðrum og lækkum okkur niður í skörðin á milli.

Mynd af fyrirhugaðri gönguleið:

Screen Shot 2016-03-16 at 09.25.47

 

Hlakka til að sjá ykkur tímanlega fyrir brottför á N1-Ártúni næstkomandi sunnudag

Fjallakveðja
Jón Gauti

jongauti@fjallaskolinn.is
7877090
w. www.fjallaskolinn.is