Jöklanámskeið á dagskrá haust ’17

Jöklanámskeið Fjallaskólans haustið 2017:

Tvö námskeið verða í október og verða bæði haldin á Sólheimajökli. 

  • 2. – 5. október – Staðfest. Nokkur sæti laus
  • 16. – 19. október – Staðfest. Nokkur sæti laus

Fagnámskeiðið Jöklaleiðsögn 1 er grunnnámskeið fyrir þá sem hyggjast starfa við leiðsögn á íslenskum skriðjöklum. Námskeiðið byggir á stöðlum Félags Fjallaleiðsögumanna (FF) á Íslandi (Asccociation of Icelandic Mountainguides – AIMG).

Í stuttu máli:

  • Fjórir dagar 
  • Kennsla fer fram innanhús og á jökli
  • Nauðsynlegt grunnnámskeið fyrir þá sem stefna á leiðsögn á harðís skriðjökla (þ.e. neðan snælínu)
  • Hlutfall þátttakanda á leiðbeinanda er 6:1
  • Hámarksfjöldi 12, lágmarksfjöldi 4
  • Námskeiðið verður haldið á Sólheimajökli.
  • Mælt er með að þátttakendur finni sér gistingu í nágrenni Sólheimajökuls.

Réttindi

Skv. viðmiðunarreglum gæðakerfis ferðaþjónustunnar (VAKINN) og kröfum Félags fjallaleiðsögumanna öðlast þeir sem standast námskeiðið rétt til að starfa á jökli undir beinni og óbeinni leiðsögn jöklaleiðsögumanns / Fjallaleiðsögumans. Ekki er óeðlilegt að þeim nemendum, sem hafa góðan grunn í fjallamennsku, sýna gott vald á þeim aðferðum sem kynntar eru á námskeiðinu, framúrskarandi hæfileika eða hraðar framfarir, sé ráðlagt að taka sveinspróf Jöklaleiðsögn 2 fljótlega, t.d. eftir aðeins sumarlangt starf á jökli.

Verð:  99.000 kr.

Greiðsla með millifærslu: Lágfóta ehf. kt. 461014-1000 R.nr. 0133-26-10253 Skráning telst gild að lokinni greiðslu.

Skráning:

Að greiðslu lokinni þarf að fylla út meðfylgjandi skráningarform. Skráning telst aðeins gild að greitt hafi verið fyrir námskeiðið a.m.k. einum mánuði fyrir upphaf þess.


Innifalið: Kennsla, sérhæfður og persónulegur útbúnaður eftir atvikum. Ekki innifalið: Akstur, gisting og uppihald meðan á námskeiðinu stendur. Forkröfur: (sjá neðar í kröfum Félags Fjallaleiðsögumanna) Spurningar: Hafið samband við Jón Gauta @ jongauti@fjallaskolinn.is


Hér fyrir neðan er lýsing á námskeiðinu eins og fram kemur á vef Félags Fjallaleiðsögumanna (www.aimg.is) Grunnnámskeiðið í jöklaleiðsögn tekur fjóra daga og fer fram á skriðjökli. Þetta námskeið er ætlað nýliðum í jöklaleiðsögn. Farið er yfir helstu atriðið í jöklaleiðsögn, s.s. veður, leiðarval, ísklifur, kennslu, sprungubjörgun, fjallavit, skráning í log-bækur, samskipti við gesti og hópstjórnun. Björgunaræfing er einnig hluti af námskeiðinu.

Forkröfur

  • Gerð er krafa um grunnþekkingu á fjallamennsku og línuvinnu. Þessi grunnþekking getur verið í formi menntunar frá leiðsöguskólum, nýliðaþjálfunar björgunarsveita, Björgunarskóla Slysavarnafélags Landsbjargar eða viðurkenndra einkaaðila* í fjallamennsku og ferðamennsku á jöklum.
  • Nemendur verða að hafa gilt skyndihjálparskírteini t.d fyrsta hjálp 1 og 2 eða sambærilegt (40 klst). *Fyrirtæki sem yfir hafa að ráða Fjallaleiðsögumanni og Jöklaleiðsögumanni.

Mat

Geta nemenda í helstu áhersluatriðum skv. námsskrá félagsins er metin meðan á námskeiðinu stendur. Á síðasta degi fer fram mat þar sem nemendur þurfa að leysa björgunarverkefni.

Á meðal þess sem farið verður í:

  • Samskipti við viðskiptavini
  • Leiðarval og áhættugreining leiða
  • Sprungubjörgun og ísklifur
  • Samskipti og hópstjórn við erfiðar aðstæður
  • Jöklafærni og þekking
  • Tryggingar í ís
  • Meðferð línu
  • Þrek og þol
  • Viðbrögð við álagi
  • Veður – áhrif landslags á veður
  • Leiðbeiningar til viðskiptavina

Réttindi:

Námskeiðið veitir rétt til að starfa á jökli undir beinni og óbeinni leiðsögn. (Sjá nánar).

Um kennsluna segir á vef AIMG:

  • Námskeiðið fer fram á skriðjökli. Miða skal við að hlutfall nemenda og leiðbeinanda sé 6:1.
  • Æskilegt er tveir leiðbeinendur séu við kennslu og skiptast á að vera með hópana.
  • Hvert námskeið er leitt af Fjallaleiðsögumanni sem einnig er reyndur Jöklaleiðsögumaður en aðrir leiðbeinendur eru að lágmarki reyndir Jöklaleiðsögumenn.
  • Hvert fyrirtæki fyrir sig getur haldið Jöklaleiðsögn 1 uppfylli leiðbeinendur á því þær kröfur sem gerðar eru til þeirra um menntun og reynslu.
  • Námskeiðið byggir á kröfum Félags Fjallaleiðsögumanna á Íslandi – AIMG og geta nemendur í kjölfarið sótt um aðild að félaginu.