Jökla 0 – Undirbúningsnámskeið í jöklaleiðsögn

Dagsetningar næstu námskeiða:


Af hverju undirbúningsnámskeið?

Áhugi ferðamanna á jöklum landsins er mikill og mun án efa fara vaxandi enda aðgengi að þessum mögnuðu “risaeðlum” óvíða betra en hér á landi. Samhliða eykst þörf fyrir vel menntaða jöklaleiðsögumenn.
Á síðustu árum hefur borið við að nokkuð hafi skort á tæknilega kunnáttu þeirra sem skrá sig á Jöklaleiðsögn 1 (Jökla 1) og því er þetta námskeið tilkomið.

Menntun í jöklaleiðsögn?
Farsæl jöklaleiðsögn byggir fyrst of fremst á góðri hópstjórn sem aftur byggir mannlegum samskiptum (soft skills). Hópstjórn jöklaleiðsögumanna miðar að því að veita gestum áhugaverða, spennandi, skemmtilega en umfram allt örugga upplifun á jöklum og umhverfi þeirra. 
Í ljósi þess að landslag skriðjökla er hættulegt í sjálfu sér er einnig nauðsynlegt að jöklaleiðsögumaður búi yfir ákveðinni tæknilegri færni (hard skills) sem miðar að því að geta brugðist við ef illa fer.
Með tæknilegri færni er hér átt við færni í notkun línu við sprungubjörgun og í flóknu umhverfi jökulsins.  

Umsagnir nemenda Fjallaskólans


Verð og skráning:

Verð: 64.900 kr. 

  • Lágmarksþátttaka til að námskeiðið sé haldið er fjórir

Innifalið í verði:

  • jöklaleiðsögumaður AIMG (Association of Icelandic Mountain Guides)
  • allur sérhæfður jöklaútbúnaður (sjá lista neðar)

Ekki innifalið:

  • alstífir fjallamennsku/jökla skór (hægt að leigja!)
  • akstur til og frá,
  • gisting
  • matur

Greiðsla með millifærslu

Lágfóta ehf. r.n.: 133-26-10253 (kt. 461014-1000) – Vinsamlega skrifið “Jökla 0 + nafn” í skýringu

Skráning


Fyrir hverja?:

  • þá sem hafa starfað að almennri leiðsögn en skortir grunn í línuvinnu / fjallamennsku
  • almennt útivistarfólk sem langar að kynnast aðferðum jöklaleiðsagnar
  • fjallamenn sem vilja rifja upp og kynnast nýjustu aðferðum sprungubjörgunar
  • reynda leiðsögumenn sem langar að hefja nám í jöklaleiðsögn en skortir grunn

Hvar?:
Námskeiðið er haldið á Sólheimajökli (tveggja tíma akstur frá R.vík) 

Akstur eða gisting:
Þitt er valið. Hægt er að gista fyrir austan en margir kjósa að sofa heima hjá sér og mæta næsta morgun.
Gisting og matur er því ekki innifalið í verði. 

Hlutfall þátttakenda/leiðbeinenda:

  • 6:1  en að lágmarki fjórir til að námskeiðið sé haldið.

Hverjir leiðbeina/kenna?
Auk þess að hafa áratuga reynslu í fjallamennsku, jöklaferðum og þjálfun hafa leiðbeinendur Fjallaskólans allir lokið eftirtöldum námskeiðum/prófum:

  • Jökla 3 (jafngildir meistaraprófi í jöklaleiðsögn)
  • Fjalla 2 / Alpine Trekking Guide
  • Wildernes First Responder

Á Jökla 0 námskeiðinu verður m.a. farið yfir:

  • Grunnatriði jöklaleiðsagnar
  • Sérhæfður útbúnaður kynntur til sögunar
  • Grunnatriði í notkun jöklabúnaðar
  • Tryggingar í ís
  • Sprungubjörgun
  • Ísklifur 
  • Uppbyggingu Jökla 1 … svo þátttakendur geti undirbúið sig sem allra best

Útbúnaður:

Persónulegur útbúnaður þátttakenda
(Fs fyrir aftan merkir að Fjallaskólinn getur skaffað án endurgjalds. Mælst er þó til þess að þátttakendur komi með eigin búnað ef þeir eiga.)

  • Skór – helst hálfstífir eða stífir skór til vetrarferða
  • Belti – jöklabelti (Fs)
  • Broddar – 10-12 gadda stálbrodda (Fs)
  • Ísöxi – Hefðbundna ísöxi 55-70 cm með beinu eða lítið bognu skafti (Fs)
  • Hjálmur (Fs)
  • Prússikbönd x 3 (í þremur lengdum t.d. 1,5 m, 2 m og 3 m) (Fs)
  • Fatnað til útivistar á jökli og nesti fyrir heilan dag x 2
  • 2 læstar karabínur (Fs)
  • 1 ólæst karabína (Fs)

Sameiginlegur útbúnaður sem Fjallaskólinn skaffar:

  • Fjallalína á hverja 2-4 þátttakendur
  • Línuhjól (prussik minding pulley) – t.d. Petzl Mini Lightweight Prusik Pulley
  • Ísskrúfur
  • Karabínur læstar og ólæstar til viðbótar
  • Sigtól
  • Slingar og bönd í tryggingar
  • Stálkarabínur
  • Klifuraxir

Að námskeiðinu loknu:

Leiðbeinendur gefa nemendum góð ráð um framhaldið, s.s. hvað helst þurfi að bæta og hvar þeir standa sterkir. 


Ef þú hefur spurningar?

Einfaldast er að senda t.póst á fjallaskolinn@fjallaskolinn.is en einnig má hringja í Jón Gauta í síma 7877090.