Almenn fjallamennska – 6 dagar

Almenn fjallamennska – 6 dagar í snjó, ís og klettum – alvöru fjallanámskeið í Öræfasveit

Dagsetningar: 25.-30. maí 2021 Skráning

Fjölbreytt, krefjandi og skemmtilegt námskeið þar sem farið er yfir alla helstu þætti fjallamennsku.
Meginmarkmiðið er að gera þátttakendur hæfa til að ferðast í brattlendi og á jöklum á öruggan hátt.

Námskeiðið er að langstærstu leiti verklegt þar sem brattlendi Öræfasveitar s.s. klettar, jökull, snjór koma við sögu. Áhersla er því á undirbúning ferða og örugga ferðamennsku.

Umsagnir nemenda Fjallaskólans

Athugið! Námskeiðið getur verið grunnur að umsókn um inngöngu að AIMG Fjallaleiðsögn 1 sem veitir réttindi sem aðstoðar fjallgönguleiðsögumaður (sjá nánar hér á vefsíðu Félags Fjallaleiðsögumanna á Íslandi – AIMG)


Á námskeiðinu lærir þú að …

  • gera ferðaáætlanir m.t.t. veðurs og aðstæðna
  • velja viðeigandi útbúnað
  • beita broddum rétt og að stöðva þig með ísaxarbremsu
  • tryggja öryggi þitt í brattlendi og á brúnum með aðstoð línu
  • koma upp öruggum tryggingum í snjó, ís og klettum
  • síga með öryggisprússik
  • koma þér upp úr jökulsprungum
  • bjarga félaga þínum úr snjóflóði
  • tjalda og búa um þig fyrir nótt á jökli
  • grafa þig í fönn
  • … o.fl. o.fl.

Dagsetning: 25. – 30. maí 2021

Hlutfall leiðbeinenda / nemenda:  1:6  Lágmarksfjöldi fjórir.

Verð: 265.000 kr.*

* Verð miðast við í svefnpokagistingu í tveggja og þriggja manna herbergjum og gæti hækkað ef önnur gisting verður fyrir valinu.  

Greiðsla 10% (26.500 kr.) staðfestingargjalds við skráningu eða a.m.k. þrem vikum fyrir upphaf
Greiðsla eftirstöðva (239.000 kr.) greiðist fyrir mánaðarmót maí/júní.

Skráning

Greiðsla með millifærslu á reikning Lágfóta ehf. kt. 461014-1000 R.nr. 0133-26-10253


Innifalið:

  • Gisting þar sem til staðar er sameiginleg eldunar- og snyrtiaðstaða
  • Sameiginlegur jöklabúnaður og ýmis sérhæfður klifur og öryggisbúnaður
  • Einn leiðbeinandi á hverja sex nemendur
  • Jöklatjöld og eldunarbúnaður fyrir nótt á jökli

Ekki innifalið:

  • Akstur – reynum að sameinast í bíla og deila kostnaði
  • Persónulegur útbúnaður (sjá neðar) sumt má leigja
  • Allur matur (keypt er sameiginlega inn og kostnaði deilt 😉
  • Drykkir 

Gistingin:

Ath. verð miðast við gistingu á Svínafelli í Öræfum þar sem er sameiginleg snyrting og eldunaraðstaða.
Á staðnum er eldhús með borðkrók og stofu þar sem hægt er að setjast yfir bóklega þætti í rólegheitum.


Persónulegur útbúnaður:

Margskonar persónulegur útbúnaður er nauðsynlegur fyrir námskeiðið.
Ýtarlegur útbúnaðarlisti verður sendur á skráða nemendur en stærstu búnaðarliðirnir eru:

  • Viðeigandi útivistarfatnaður til vetrarferða
  • Áttaviti, GPS-tæki, hæðarmælir, kort
  • Bakpoki til dagsferða (30-45 L)
  • Bakpoki ferðapoki (65-75 L) (hægt að leigja)
  • Fjallaskór (uppháir skór með alstífum botni fyrir klifurbrodda)
  • Svefnpoki til vetrarferða 
  • Snjóflóðaýlir (stafrænn, þriggja loftneta)  (hægt að leigja)
  • Snjóflóðastöng (a.m.k. 240 cm)  (hægt að leigja)
  • Skófla (hægt að leigja)
  • Fjallamennsku ísöxi (hægt að leigja)
  • Klifuraxir (hægt að leigja)
  • Broddar (hægt að leigja)
  • Klifur-/Jökla belti með áhaldalykkjum (hægt að leigja)
  • Prússikbönd og slingar
  • Hjálmur (hægt að leigja)

Endilega hafðu samband ef þú hefur spurningar um eigin útbúnað eða útbúnað sem til stendur að kaupa eða fá lánaðann.
Eins og fram kemur getur Fjallaskólinn lánað / leigt ýmislegt á listanum.


Dagskrá dag fyrir dag í grófum dráttum:

Almennt byrjum við hvern dag á stuttum morgunfundi en stefnum að því að leggja af stað frá Svínafelli kl. 9 en að vera komnir heim fyrir kl. 18 á kvöldin. Kvöldmatur kl. 19 og í kjölfarið stutt spjall um daginn og morgundaginn. Athugið að dagskrá fer eftir veðri og aðstæðum og getur hliðrast.

Dagur 1 – Svínafell: Kynning og undirbúningur
08.00 – Brottför frá R.vík (staðsetning ákv. í samráði við nemendur)
13.00 – Komum okkur fyrir á gististað og fundum. 
Efni dagsins: Kynning á námskeiði og nemendum, almennt um útbúnað, veður, snjóalög, , hnúta og fl. 

Dagur 2 – Hnappavellir – Klettar, tryggingar, sig og „prússik“

Dagur 3 – Skriðjökull – Harðís: Broddatækni, tryggingar í ís og ísklifur

Dagur 4 / 5 – Öræfajökull – Jöklaferðir: Ferðamennska, sprungubjörgun, vetrarnáttból, neyðarskýli

Dagur 6 – Skriðjökull: Harðís og heimferð

Áætluð brottför um kl. 16 og því komum við seint til R.víkur. 


Að námskeiði loknu:

Að loknu námskeiðinu Almenn fjallamennska eiga þátttakendur að geta tryggt öryggi sitt í brattlendi og á jöklum og haldið til fjalla á eigin vegum til að afla sér frekari reynslu án þess að stefna öryggi sínu í hættu.

Nánari upplýsingar gefur Jón Gauti í síma 7877090