Næsta námskeið:
12. – 17. maí 2019 – Skráning hér
Sex daga námskeið þar sem þátttakendur kynnast grunnatriðum fjallamennsku á Íslandi.
Meginmarkmiðið er að gera þátttakendur hæfa til að ferðast um jökulhvel og brattlendi íslenskra fjalla á öruggan hátt.
Námskeiðið er haldið í nágrenni Öræfasveitar og gist á Svínafelli (sjá neðar).
Umsagnir nemenda Fjallaskólans
Markmið námskeiðsins eins og raunar allra ferða til fjalla, er að koma aftur heim heil á höldnu með ánægjulegar minningar.
Áhersla er því á undirbúning ferða og örugga ferðamennsku.
Athugið! Námskeiðið getur verið grunnur að umsókn um inngöngu að AIMG Fjallaleiðsögn 1 sem veitir réttindi sem aðstoðar fjallgönguleiðsögumaður (sjá nánar hér á vefsíðu Félags Fjallaleiðsögumanna á Íslandi – AIMG)
Eftir námskeiðið eiga nemendur að:
- geta gert raunhæfar ferðaáætlanir m.t.t. aðstæðna
- þekkja útbúnað sem notaður er í fjallamennsku
- kunna ísaxarbremsu og búa yfir góðri broddatækni
- fá góða reynslu af notkun línu í brattlendi
- geta sett upp öruggar trygginar í snjó, ís og klettum
- geta tryggt öryggi sitt í brattlendi eða á bröttum brúnum
- geta sigið fram af brúnum ís/kletta með öryggisprússik
- geta “klifrað” upp úr jökulsprungum með aðstoð prússikbanda
- geta fundið grafinn félaga í snjóflóði, hratt og örugglega
- þekkja betur viðbrögð sín við “erfiðar” aðstæður
- geta tjaldað á snjó/jökli
- kunna að grafa sig í fönn
- … o.fl. o.fl.
Dagsetning: 12. -17. maí 2019
Hlutfall leiðbeinenda / nemenda: 1:6 Lágmarksfjöldi þrír.
Verð: 245.000 kr.
Greiðsla 10% (24.500 kr.) staðfestingargjalds við skráningu eða a.m.k. 5 vikum fyrir upphaf
Greiðsla eftirstöðva (220.500 kr.) a.m.k. 3 vikum fyrir upphaf námskeiðsins.
Greiðsla með millifærslu á reikning Lágfóta ehf. kt. 461014-1000 R.nr. 0133-26-10253
Innifalið:
- Gisting þar sem til staðar er sameiginleg eldunar- og snyrtiaðstaða
- Allt nesti þegar gist er á jökli
- Sameiginlegur jöklabúnaður og ýmis sérhæfður klifur og öryggisbúnaður
- Einn leiðbeinandi á hverja sex nemendur
- Jöklatjöld og eldunarbúnaður fyrir nótt á jökli
- Morgunmatur x 5
- Nesti fyrir alla daga
- Kvöldmatur x 4 – Þátttakendur skiptast á að elda
Ekki innifalið:
- Akstur – reynum að sameinast í bíla og deila kostnaði
- Persónulegur útbúnaður (sjá neðar) sumt má leigja
- Kvöldverður á Freysnesi (vegasjoppa)
- Drykkir
Gistingin:
Gist er á Svínafelli í Öræfum. Sameiginleg snyrting og eldunaraðstaða.
Á staðnum er eldhús með borðkrók og stofu þar sem hægt er að setjast yfir bóklega þætti í rólegheitum.
Persónulegur útbúnaður:
Margskonar persónulegur útbúnaður er nauðsynlegur fyrir námskeið sem þetta.
Ýtarlegur útbúnaðarlisti verður sendur á skráða nemendur en stærstu búnaðarliðirnir eru m.a.:
Athugið! Hafið samband ef aðstoðar við val/kaup á útbúnaði er óskað.
Viðeigandi útivistarfatnaður til vetrarferða- Áttaviti, GPS-tæki, hæðarmælir, kort
- Bakpoki til dagsferða (35-45 L)
- Bakpoki ferðapoki (65-75 L) (hægt að leigja)
- Fjallaskór (uppháir skór með alstífum botni fyrir klifurbrodda)
- Svefnpoki til vetrarferða
- Snjóflóðaýlir (stafrænn, þriggja loftneta)
- Snjóflóðastöng (a.m.k. 240 cm)
- Skófla (hægt að leigja)
- Fjallamennsku ísöxi (hægt að leigja)
- Klifuraxir (hægt að leigja)
- Broddar (hægt að leigja)
- Klifur-/Jökla belti með áhaldalykkjum (hægt að leigja)
- Prússikbönd og slingar
- Hjálmur (hægt að leigja)
Endilega hafðu samband ef þú hefur spurningar um eigin útbúnað eða útbúnað sem til stendur að kaupa eða fá lánaðann.
Eins og fram kemur getur Fjallaskólinn lánað / leigt sumt á listanum.
Dagskrá dag fyrir dag í grófum dráttum:
Almennt byrjum við hvern dag á stuttum morgunfundi en stefnum að því að leggja af stað frá Svínafelli kl. 9 en að vera komnir heim fyrir kl. 18 á kvöldin. Kvöldmatur kl. 19 og í kjölfarið stutt spjall um daginn og morgundaginn. Athugið að dagskrá fer eftir veðri og aðstæðum og getur hliðrast.
Dagur 1 – Svínafell: Snjór, kynning og undirbúningur
08.00 – Brottför frá R.vík (staðsetning ákv. í samráði við nemendur)
13.00 – Áætluð koma í Svínafell þar sem við komum okkur fyrir.
Efni dagsins: Kynning á námskeiði og nemendum, fróðleikur um veður, snjóalög, búnað, hnúta og fl.
Dagur 2 – Hnappavellir – Klettar -tryggingar, að síga á línu og prússika sig upp
Dagur 3 – Skriðjökull – Harðís: Broddatækni, tryggingar í ís og ísklifur
Dagur 4 / 5 – Öræfajökull – Jöklaferðir: Ferðamennska, sprungubjörgun, vetrarnáttból, neyðarskýli
Dagur 6 – Skriðjökull: Harðís og heimferð
Áætluð brottför um kl. 17 og því komum við seint til R.víkur. Borðum einhvers staðar á leiðinni heim.
Að námskeiði loknu:
Að loknu námskeiðinu Almenn fjallamennska eiga þátttakendur að geta tryggt öryggi sitt í brattlendi og á jöklum og haldið til fjalla á eigin vegum til að afla sér frekari reynslu án þess að stefna öryggi sínu í hættu.
Nánari upplýsingar gefur Jón Gauti í síma 7877090
