Jöklaleiðsögn 1 – Fagnámskeið sept og okt 2018

Næstu námskeið í Jöklaleiðsögn 1:

Ath. í september og október ’18 verða einnig kennd tvö Jökla 0 – námskeið sem eru sérskipulögð undirbúningsnámskeið fyrir þá sem vilja taka Jöklaleiðsögn 1 en skortir nauðsynlegan grunn í tæknilegri línuvinnu.
Smelltu hér til að kynna þér Jökla 0 


Fagnámskeiðið Jöklaleiðsögn 1 er grunnnámskeið í jöklaleiðsögn.
Efni námskeiðsins byggir á stöðlum Félags Fjallaleiðsögumanna á Íslandi.

Í stuttu máli:

  • Námskeiðin eru fjórir dagar
  • Námskeiðin eru haldin í Öræfasveit (aðsetur á Svínafelli)
  • Kennsla fer fram innanhús og á jökli
  • Nauðsynleg námskeið fyrir þá sem stefna á leiðsögn á harðís skriðjökla (neðan snælínu)
  • Hlutfall þátttakanda á leiðsögumann: 6:1
  • Hámarksfjöldi: 12 þátttakendur
  • Lágmarksfjöldi: 4 þátttakendur

Kennsla og mat

Námskeiðin eru byggð upp með kennslu og símati á frammistöðu þátttakenda. Lagt er mat á færni þátttakenda í samskiptum við gesti, leiðarval, miðlun efnis, þekkingu á jöklum og umhverfi þeirra, færni í sprungubjörgun og línuvinnu. Einnig er þekking og færni í stærri björgunaraðgerðum metin. Á námskeiðinu Jöklaleiðsögn 1 er kennsla mun stærri þáttur en á Jöklaleiðsögn 2 þar sem meiri áhersla er lögð á að meta þekkingu og reynslu þátttakenda.

Ef nemendur á Jöklaleioðsögn 1 sýna framúrskarandi hæfileika og hraðar framfarir í því efni sem fyrir er lagt eru þeir hvattir til að sækja taka sveinsprófið, Jöklaleiðsögn 2, fljótlega, t.d. eftir aðeins sumarlangt starf á jökli.

Réttindi

Þeir sem standast kröfur Jökla 1 námskeiðsins öðlast rétt til að starfa á jökli undir beinni og óbeinni leiðsögn jöklaleiðsögumanns / Fjallaleiðsögumans.


Verð og skráning:

Jöklaleiðsögn 1 – 99.000 kr.* Smelltu hér til að greiða með korti og hér til að skrá þig

Greiðsla fyrir Jöklaleiðsögn 1 með millifærslu. Kennitala: 461014-1000 / R.nr.: 0133 – 26 – 10253
* Ath. að verkalýðsfélög niðurgreiða sum allt að 90% af námskeiðsgjaldinu 

Innifalið: Kennsla, sérhæfður og persónulegur útbúnaður eftir atvikum.

Ekki innifalið: Akstur, gisting og uppihald meðan á námskeiðinu stendur.

Forkröfur: (sjá neðar í kröfum Félags Fjallaleiðsögumanna)

Hvenær?:
Ef áðurnefndar dagsetningar henta ekki er velkomið að hafa samband við Jón Gauta s. 7877090 eða sendi línu á fjallaskolinn@fjallaskolinn.is. Námskeið eru einnig haldin eftir samkomulagi árið um kring.

Yfirleiðbeinandi á fagnámskeiðum Fjallaskólans er Jón Gauti Jónsson Fjallaleiðsögumaður AIMG


Lýsing á námskeiðinu Jöklaleiðsögn 1 eins og fram kemur á vef Félags Fjallaleiðsögumanna (www.aimg.is)

Grunnnámskeiðið í jöklaleiðsögn tekur fjóra daga og fer fram á skriðjökli. Þetta námskeið er ætlað nýliðum í jöklaleiðsögn. Farið er yfir helstu atriðið í jöklaleiðsögn, s.s. veður, leiðarval, ísklifur, kennslu, sprungubjörgun, fjallavit, skráning í log-bækur, samskipti við gesti og hópstjórnun. Björgunaræfing er einnig hluti af námskeiðinu.

Forkröfur

  • Gerð er krafa um grunnþekkingu á fjallamennsku og línuvinnu. Þessi grunnþekking getur verið í formi menntunar frá leiðsöguskólum, nýliðaþjálfunar björgunarsveita, Björgunarskóla Slysavarnafélags Landsbjargar eða viðurkenndra einkaaðila* í fjallamennsku og ferðamennsku á jöklum.
  • Nemendur verða að hafa gilt skyndihjálparskírteini t.d fyrsta hjálp 1 og 2 eða sambærilegt (40 klst).
    *Fyrirtæki sem yfir hafa að ráða Fjallaleiðsögumanni og Jöklaleiðsögumanni.

Mat

Geta nemenda í helstu áhersluatriðum skv. námsskrá félagsins er metin meðan á námskeiðinu stendur.
Á síðasta degi fer fram mat þar sem nemendur þurfa að leysa björgunarverkefni.

Á meðal þess sem farið verður í:

  • Samskipti við viðskiptavini
  • Leiðarval og áhættugreining leiða
  • Sprungubjörgun og ísklifur
  • Samskipti og hópstjórn við erfiðar aðstæður
  • Jöklafærni og þekking
  • Tryggingar í ís
  • Meðferð línu
  • Þrek og þol
  • Viðbrögð við álagi
  • Veður – áhrif landslags á veður
  • Leiðbeiningar til viðskiptavina